Ålesundar Jonas Fylling Christiansen med LMGI Awards 2024
Vi gratulerer ålesundar og location manager Jonas Fylling Christiansen med LMGI Awards 2024!
Fagprisen blei delt ut av Location Managers Guild i Los Angeles, og er den andre prisen Mission: Impossible hentar heim til Møre og Romsdal. Tidlegare i år var moldensar Espen Fadnes blant vinnarane av SAG Awards for beste stuntarbeid.
Jonas Fylling Christiansen fungerte som location manager for Truenorth Norge under Noregs-opptaka på den profilerte produksjonen Mission: Impossible – Dead Reckoning Part One, som fekk prisen for «Outstanding Locations». Fylling Christiansen delte prisen med Niall O’Shea og Ben Firminger.
Fleire av dei mest omtalte scenene i filmen blei filma i Noreg, og bileta av Tom Cruise svevande i lufta på motorsykkel med det norske Vestlandet i bakgrunnen var med i alle dei internasjonale kampanjane til filmen.
