Kven fortener ekstra merksemd i år?
Det nærmar seg Bergen internasjonale filmfestival 2023, og vi i Vestnorsk filmsenter gler oss til årets utgåve. Som tidlegare blir vi å treffe på Kulturhuset, i år med kontortid torsdag 19. og fredag 20. oktober, og på laurdag 21. oktober under bransjefesten. Meir informasjon kjem.
Sidan 2005 har Vestnorsk filmsenter delt ut talentprisar og stipend til filmarbeidarar i regionen vår. Den beste ramma for dette er BIFF, og vi nyttar derfor høvet til å dele ut årets stipend under bransjefesten laurdag.
Har du forslag til nokon i bransjen som burde trekkast fram og som fortener ekstra merksemd?
• Talentstipend: Blir tildelt filmarbeidar med høge ambisjonar som er i særleg utvikling av eigen posisjon og moglegheiter.
• Lyskastaren: Blir tildelt filmarbeidar som på ulike vis har markert seg og gjennom arbeidet sitt og gir verdifulle bidrag til den profesjonelle filmbransjen i regionen vår.
Frist: 9. oktober
