Takk for sist - vellukka bransjesamling 31. august

Velkomen v/kulturbyråd i Bergen kommune, Eduardo Andersen (Ap).

Vestnorsk filmsenter takkar for sist, etter ei vellukka bransjesamling i strålande sol i Bergen 31. august. Samlinga starta med variert program i nyoppussa sal på Bergen Kino LUX, og blei etterfølgd av seinsommarfilmfest på Kulturhuset.

Filmpolitisk samtale med Eivind Nævdal-Bolstad (H), Eduardo Andersen (Ap) og Stian Davies (Ap), leia av produsent Elisabeth Kleppe.

På programmet stod visning av rykande fersk kortfilm, sniktitt på nye prosjekt, panelsamtalar, pitch frå nye talent, oppsummering av sommaren i BAKOM og filmpolitisk samtale med utvalsleiar for finans, kultur og næring i Bergen kommune, Eivind Nævdal-Bolstad (H), kulturbyråd i Bergen kommune, Eduardo Andersen (Ap) og hovedutvalsleiar for kultur, idrett og inkludering i Vestland fylkeskommune, Stian Davies (Ap).

Vi vil takke alle deltakarar for ei flott og innhaldsrik samling!